მოსკოვში ვიზიტის გაუქმების შემდეგ, პომპეო სოჭში შეხვდება პუტინს და ლავროვს
სახელმწიფო მინისტრის რანგში ეს პომპეოს პირველი ვიზიტი იქნება რუსეთში. ვიზიტის ფონია ვაშინგტონსა და მოსკოვს შორის კვლავ არსებული დაძაბულობა. სოჭის შეხვედრა იქნება ყველაზე მაღალი რანგის მოლაპარაკება აშშ-ის და რუსეთის წარმომადგენლებს შორის, მას შემდეგ, რაც პრეზიდენტმა დონალდ ტრამპმა და პურინმა 2018 წლის ივლისში ფინეთში გამართეს შეხვედრა.
სახელმწიფო დეპარტამენტი აცხადებს, რომ საკითხები, რომლებსაც პუტინისა და პომპეოს შეხვედრაზე განიხილავენ, მოიცავს იარაღის კონტროლს, ვენესუელის კრიზისს, უკრაინასა და სირიაში არსებულ კონფლიქტებს და ირანს. ყველა ამ საკითხთან მიმართებით ვაშინგტონი და მოსკოვი განსხვავებულ პოზიციაზე დგანან.
"საწყისი პოზიცია, რომელიც რუსეთთან მიმართებით ჩვენი პოლიტიკის განხილვისას უნდა გვქონდეს... ეფუძნება იმ გარემოების გულწრფელ აღიარებას, რომ რუსეთმა გლობალურ ასპარეზზე აგრესიული და დესტაბილიზაციის გამომწვევი ნაბიჯები გადადგა" - უთხრა აშშ-ის სახელმწიფო დეპარტამენტის მაღალი რანგის წარმომადგენელბმა ჟურნალისტებს 10 მაისს. პირმა, რომელიც ანონიმურობის დაცვის პირობით საუბრობდა, დასძინა: პომპეოს ვიზიტი წარმოადგენს "შესაძლებლობას რუსეთის მთავრობას მკაფიოდ განემარტოს ეს საკითხები, ჩვენი მოლოდინები, და [გამოინახოს] წინსვლის გზები".