გიორგი გახარია პანკისელებს: 5 მეგავატიანი ჰესის გულისთვის ესროლეთ ქვები ფორმიანებს?
„თუ რაიმე არგუმენტი გაქვთ და სასაუბრო, ახლა უნდა დავჯდეთ და ვილაპარაკოთ. არავინ, არცერთ შემთხვევაში არ დაუშვებს საქართველოს არცერთი მოქალაქის - არც თქვენი, არც ფორმიანი ადამიანების და არც მშენებლების უფლებების დარღვევას. ამაზე უნდა ვილაპარაკოთ და „მასკები“ უნდა მოვიხსნათ. ასე არ შეიძლება“, - აღნიშნა შინაგან საქმეთა მინისტრმა გიორგი გახარიამ. იგი სოფლის მეურნეობის მინისტრთან ლევან დავითაშვილთან და რეგიონული განვითარების მინისტრთან მაია ცქიტიშვილთან ერთად ხვდება.
შეხვედრა მედიისთვის დახურულია. იგი სოფელ ბირკიანში, ერთ-ერთი სახლში იმართება.