სულხან სალაძე: ჩვენი პროტესტი არ ეხება მხოლოდ ამ სიას, ჩვენი მოთხოვნები გაცილებით ფართოა
"ვფიქრობ, ეს შეიძლება, ერთი მხრივ, მიმართული იყოს პროტესტის მუხტის შესამცირებლად, რომ შემდეგში მათ თქვან - აი, მეტი რა გინდათ, ხომ ვთქვით უარი ამის განხილვაზე, სანამ ეს წესები არ დადგინდება? მეორე მხრივ კი, ისინი ცდილობენ, მორალური უპირატესობა მოიპოვონ და წარმოაჩინონ საკუთარი თავი ადამიანებად, რომლებიც საზოგადოების პროტესტს ითვალისწინებენ. მინდა აღვნიშნო, რომ ჩვენი პროტესტი არ ეხება მხოლოდ ამ სიას, ჩვენი მოთხოვნები გაცილებით ფართოა. ვითხოვთ კრიტერიუმების დადგენას, საბჭოს შემადგენლობის განახლებას და ასევე, კონკრეტული წესების შემოტანას არჩევის პროცესში", - ამბობს საიას ხელმძღვანელი რადიო თავისუფლებასთან საუბარში.