რუსეთის სტატისტიკის სამსახურმა, „რუსსტატმა“, გამოაქვეყნა რუსეთის ეკონომიკური მდგომარეობის ხელახლა შეფასების შედეგები, რომელთა მიხედვითაც 2016 წელს მთლიანი შიდა პროდუქტი წინა წელთან შედარებით 0,2%-ით კი არ შემცირებულა - როგორც აქამდე ითვლებოდა - არამედ 0,3%-ით გაიზარდა.
ახალი სტატისტიკური მონაცემებით, 2014 წლიდან, როცა ნავთობი მკვეთრად გაიაფდა და რუსეთს სანქციები დაუწესეს, რუსეთის ეკონომიკა დაღმასვლას განიცდიდა არა ორი, არამედ სულ ერთი წლის განმავლობაში. ახალმა მონაცემებმა სააგენტო ერ-ბე-კა-ს (РБК) ყურადღება მიიქცია.
დეკემბერში გადააყენეს „რუსსტატის“ ხელმძღვანელი ალექსანდრ სურინოვი და მის ადგილას დაინიშნა პაველ მალკოვი, მანამდე ეკონომიკური განვითარების სამინისტროს სახელმწიფო მართვის დეპარტამენტის დირექტორი. მის დანიშნავზე გამოხმაურებისას, პირველმა ვიცე-პრემიერმა ანტონ სილუანოვმა განმარტა, რომ სტატისტიკის უწყება საჭიროებს „მუშაობის პრინციპებისა და მეთოდების განახლებას“.