არასამთავრობო ორგანიზაციებმა საქართველოს პრეზიდენტს სალომე ზურაბიშვილის ცენტრალური საარჩევნო კომისიის თავმჯდომარის პოსტზე ოთხი კანდიდატურა წარუდგინეს. ესენი არიან ცესკოს მოქმედი თავმჯდომარე თამარ ჟვანია; ლადო ბოჟაძე, „სამოქალაქო საზოგადოებისა და დემოკრატიის განვითარების ცენტრის“ თავმჯდომარე; გიორგი ჯავახიშვილი, ცენტრალური საარჩევნო კომისიის მდივანი; მარიამ შელეგია, საქართველოს პრემიერ-მინისტრის რეგიონებთან ურთიერთობის დეპარტამენტის ექსპერტი.
საქართველოს პრეზიდენტისა და არასამთავრობო ორგანიზაციების კონსულტაცია 20 დეკემბერს გაიმართა. შეხვედრა პრეზიდენტმა კომენტარის გარეშე დატოვა. არასამთავრობო ორგანიზაციების განცხადებით, საქართველოს პრეზიდენტს შეხვედრაზე არ დაუსახელებია საკუთარი კანდიდატურა, რადგან მან თქვა, რომ ცესკოს თავმჯდომარის პოსტზე არ ჰყავს კანდიდატურა.
ცენტრალური საარჩევნო კომისიის თავმჯდომარის პოსტზე სამ კანდიდატურას პრეზიდენტი 21 დეკემბერს წარუდგენს ცენტრალურ საარჩევნო კომისიას. კანონი თანახმად, ახალ პრეზიდენტს ცესკოს თავმჯდომარეობის კანდიდატების წარდგენის ვადა სწორედ 21 დეკემბერს ეწურება. სამი კანდიდატიდან ცესკო ერთ-ერთს აირჩევს.
