რა უნდა მოხდეს ამაზე უფრო მეტი, რომ პარლამენტმა განახორციელოს თავისი ზედამხედველობის ვალდებულება აღმასრულებელ ხელისუფლებაზე, - განაცხადა „ევროპული საქართველოს“ წარმომადგენელმა, გიგა ბოკერიამ 17 დეკემბერს, პარლამენტის ბიუროს სხდომაზე. „ევროპულმა საქართველომ“ კიდევ ერთხელ დააყენა შს მინისტრის პარლამენტში დაბარების მოთხოვნა.
„რა უნდა მოხდეს ამაზე მეტი, რაც გუშინ ვიხილეთ... რაც იქამდე ვიხილეთ, ბიულეტენების ჩაყრის სახით; რა დროც გავიდა ახალქალაქის ინციდენტიდან - ამ შევარდნიდან ოპოზიციის შტაბ-ბინაში, დღისით-მზისით, ხელკეტებით... რა უნდა მოხდეს, რომ პარლამენტმა აიძულოს ხელისუფლება?“, - განაცხადა გიგა ბოკერიამ. მისი თქმით, პარლამენტის თავმჯდომარემ, რომელიც ერთგვარი შუამავლის როლს ასრულებდა შს მინისტრსა და დეპუტატებს შორის.
„ბატონმა კობახიძემ ორჯერ გადმოგვცა, როგორც შუამავალმა, სიტყვა, რომ ბატონი გახარია მობრძანდებოდა აქ... რატომ უნდა ეშინოდეს ბატონ გახარიას ოპოზიციურ ფრაქციასთან შეხვედრის, ჩვენ რა უნდა ვუქნათ?! ... ეს არის თქვენი ვალდებულება და ახლა აქ არ გაგვიმართოთ დისკუსია, როგორი საშინელია ოპოზიცია, თქვენ როგორები ხართ, მაშინ რას შვებოდით და ა.შ... ისევ თუ შეხვალთ ამაში, კი ბატონო, გიპასუხებთ რამდენჯერაც გინდათ... აქ ლაპარაკია პარლამენტისა და ხელისუფლების ვალდებულებაზე, ანგარიში ჩაგვაბაროს, ჩემი აზრით, ამ სამარცხვინო და ქვეყნისთვის სახიფათო პოლიტიკური კრიზისის დროს“, - განაცხადა გიგა ბოკერიამ პარლამენტის ბიუროს სხდომაზე.