დაკავებულია გაერთიანებული ოპოზიციის წევრი დავით კირკიტაძე. ეს ინფორმაცია შს სამინისტრომ დაუდასტურა რადიო თავისუფლებას. უწყების ცნობით, კირკიტაძე კახეთისკენ მიმავალ გზაზე დააკავეს და მას ბრალად ედება სს კოდექსის 353-ე მუხლის შესაბამისი დანაშაული.
17 დეკემბერს ცნობილი გახდა, რომ შინაგან საქმეთა სამინისტრომ დაიწყო გამოძიება 16 დეკემბერს კახეთში სამართალდამცველებსა და აქციის მონაწილეებს შორის მომხდარ დაპირისპირებასთან დაკავშირებით. საქმე აღძრულია სისხლის სამართლის კოდექსის 353-ე მუხლის პირველი ნაწილით, რაც გულისხმობს პოლიციელის მიმართ მისი საქმიანობის შეწყვეტის მიზნით წინააღმდეგობასა და ძალადობას. დანაშაული ისჯება როგორც ჯარიმით, ასევე თავისუფლების შეზღუდვით ვადით სამ წლამდე ან თავისუფლების აღკვეთით ვადით ორიდან ხუთ წლამდე.