სულ მცირე 8 ავღანელი სამხედრო დაიღუპა ავღანეთის დასავლეთით მდებარე ფარას პროვინციაში, არმიის საგუშაგოზე მომხდარი თავდასხმის შედეგად, რომელზე პასუხისმგებლობა თალიბანმა იკისრა. პროვინციის საბჭოს წევრებმა დადულა ღანიმ და გულ აჰმად ფაქირიმ ადგილობრივ მედიას აცნობეს, რომ ექსტრემისტებმა მძევლად აიყვანეს 9 სამხედრო მოსამსახურე და თან წაიღეს ნადავლი, საგუშაგოზე არსებული იარაღი და ტყვია-წამალი. თალიბანის წარმომადგენელმა ქარი იოსუფ აჰმადიმ ტვიტერით გაარცელა ვიდეო, რომელზეც, მისი თქმით, აღბეჭდილი არიან დატყვევებული ავღანელი ჯარისკაცები. ავღანეთის ხელისუფლების ცნობით, შეტაკებაში ავღანელმა სამხედროებმა გაანადგურეს სამი ექტრემისტი, ოთხი კი დაჭრეს.