ეუთოს წევრი ქვეყნების საგარეო საქმეთა მინისტრების შეხვედრაზე უკრაინა გამოვიდა მოწოდებით, გაუმკაცრონ სანქციები რუსეთს და დაადანაშაულა მოსკოვი კიევის წინააღმდეგ მზარდ აგრესიაში, ასევე ეუთოს რეგიონში არასტაბილურობისა და დაუცველობის დათესვაში. უკრაინის საგარეო საქმეთა მინისტრმა, პავლო კლიმკინმა, 6 დეკემბერს, ეუთოს შეხვედრაზე მილანში განაცხადა, რომ აუცილებელია სწრაფი და კონსოლიდირებული საერთაშორისო რეაგირება, როცა ილაპარაკა შავ ზღვაში მომხდარი ინციდენტის გარშემო. განცხადებები არ კმარა, თვლის კლიმკინი, სჭიროა ქმედება, თქვა მან. ხოლო რუსეთის საგარეო საქმეთა მინისტრმა სერგეი ლავროვმა უკრაინას და მის "დასავლელ სპონსორებს" "აღმაშფოთებელ ქმედებებში" დასდო ბრალი, რაც იწვევს წლების განმავლობაში დაძაბულობას. შეკრებილმა მინისტრებმა გაიმეორეს პოზიცია და კვლავ მოუწოდეს რუსეთს „დაუყოვნებლივ გაათავისუფლოს და უსაფრთხოდ დააბრუნოს უკრაინაში მეზღვაურები“. ეს განცხადება წაიკითხა ევროკავშირის საგარეო პოლიტიკურმა ლიდერმა, ფედერიკა მოგერინიმ. აშშ--ის, კანადის და ევროპის რამდენიმე ქვეყნის მინისტრებმა დაგმე მოსკოვის ქმედება და მხარდაჭერა გამოუცხადეს კიევს.