ავღანეთის საჩივრების საარჩევნო დამოუკიდებელმა კომისიამ გამოაცხადა, რომ ოქტომბრის საპარლამენტო არჩევნების დროს ქაბულის რეგიონში მიცემული ყველა ხმა გააუქმა. კომისიის წარმომადგენელმა, ალირეზ როჰანიმ ჟურნალისტებს, ქაბულში, 6 დეკემბერს, უთხრა, რომ ეს გადაწყვეტილება მიღებული იქნა 25 სხვადასხვა მიზეზით, მათ შორის უმთავრესია, გაყალბება და არასწორი მართვა დამოუკიდებელი საარჩევნო კომისიის მხრიდან. მისი თქმით, ასობით საჩივარი შევიდა დარღვევების თაობაზე ქაბულსა და მის რეგიონში. კომისიის წარმომადგენელმა, მოჰამად ჰაყფარასთმა განუცხადა ჩვენს რადიოს 6 დეკემბერს, რომ კომისია ამზადებს დოკუმენტს ხმებისგაუქმების საპასუხოდ. 20 ოქტომბრის არჩევნების დღეს ქაბულის საარჩევნო უბნებში 18 ადამიანი მოკლეს და 67 დაჭრეს თავდასხმების შედეგად. კენჭისყრის დროს იყო არაერთი ტექნიკური ხასიათის პრობლემა. კანონმდებლების რიცხვი, რომლებიც ქაბულის რეგიონს წარმოადგენენ პარლამენტის ქვედა პალატაში, უოლესი ჯირგაში, 33-ია. სულ ქვედა პალატაში 250 მანდატია.
