უკრაინის ვერხოვნა რადამ - პარლამენტმა, მიიღო კანონპროექტი „უკრაინასა და რუსეთს შორის მეგობრობის, თანამშრომლობის და პარტნიორობის შესახებ ხელშეკრულების მოქმედების შეჩერების შესახებ“.
კანონს ხმა მისცა 227-მა სახალხო დეპუტატმა, როცა საჭირო იყო 226 ხმა. თუმცა, უკრაინის მედია იუწყება, რომ კანონპროექტის მიღება მოხდა „ტექნიკურ-იურიდიული“ შესწორებით. კანონპროექტი უკრაინის პრეზიდენტის, პეტრო პოროშენკოს მიერ იქნა შეტანილი რადაში ქერჩის სრუტეში ინციდენტის შემდეგ, როცა მოსკოვმა ცეცხლი გაუხსნა, შემდეგ კი დააკავა უკრაინის სამი გემი და 24 სამხედრო. უფრო ადრე უკრაინის საგარეო საქმეთა მინისტრმა, პაველ კლიმკინმა თქვა, რმ უკრაინასთან საჭირო არ არის დიპლომატიური ურთიერთობა. მისი ცნობით, რუსეთთან მოქმედი 48 ხელშეკრულება შეჩერდა და დაგეგმილია კიდევ 40 შეთანხმების მოქმედების შეჩერება.
