„ნაციონალური მოძრაობის“ ერთ-ერთი ლიდერი ნიკა რურუა ვერის სასაფლაოზე დაკრძალეს. სამგლოვიარო ცერემონია გაიმართა სასაფლაოს ტერიტორიაზე მდებარე ტაძარში, სადაც ნიკა რურუას ხსოვნას პატივი მიაგეს საქართველოს პრეზიდენტმა გიორგი მარგველაშვილმა და კათოლოკოს-პატრიარქის ტახტის მოსაყდრემ, მიტროპოლიტმა შიომ.
საქართველოს ორი მოწვევის პარლამენტის წევრი, კულტურის ყოფილი მინისტრი ნიკა რურუა 50 წლის ასაკში 4 დეკემბერს გარდაიცვალა. არსებული ინფორმაციით, გარდაცვალების მიზეზი გულის შეტევა იყო.