გაერთიანებული ოპოზიციის წარმომადგენელმა გიორგი ვაშაძემ „ენით აღუწერელი საგანგაშო ვითარება“ უწოდა „იმას, რაც საპრეზიდენტო არჩევნებზე ხდებოდა“. მან ახსენა ყალბი დოკუმენტების დაბეჭდვა და ამომრჩევლების მოსყიდვა და განაცხადა, რომ აქციაზე შეკრებილი ადამიანები ვერ შეეგუებიან უსამართლობას.
"სალომე ზურაბიშვილი არ იქნება ჩვენი პრეზიდენტი", განაცხადა რიგით მეორე გამომსვლელმა, თბილისის მერობის ყოფილმა კანდიდატმა, ნიკა მელიამ. ან შევეგუოთ იმას, რაც ხელისუფლებამ ჩაიდინა, ან ვიბრძოლოთ გამარჯვებამდეო, განაცხადა მან.
თბილისში, პარლამენტის შენობასთან აქცია დაიწყო წუთიერი დუმილით, რომლითაც პატივი მიაგეს ერთი წლის წინ ხორავას ქუჩაზე მოკლული ორი მოზარდისა და შარშან დეკემბერში პანკისში მოკლული ახალგაზრდის ხსოვნას.