არგენტინაში დასრულდა „დიდი 20“-ის - მსოფლიოში ეკონომიკურად წამყვანი 19 ქვეყნისა და ევროკავშირის - სამიტი. მიღებულია ერთობლივი დეკლარაცია, რომელზე მუშაობაც, ცნობების თანახმად, რთული პროცესი იყო.
დეკლარაციაში სამიტის მთავრ თემებად სახელდება შრომის ბაზრის გაძლიერება, ინფრასტრუქტურის განვითარება, საკვების პრობლემის მოგვარება და გენდერული თანასწორობა.
ტექსტში საუბარია ვაჭრობის მსოფლიო ორგანიზაციისა და საერთაშორისო სავალუტო ფონდის რეფორმის აუცილებლობაზე, ბრძოლაზე გლობალური კლიმატური ცვლილებებისა და ქალთა დისკრიმინაციის წინააღმდეგ. დეკლარაცია ეხება სხვა გლობალურ თემებსაც, მათ შორის მასობრივ მიგრაციას და მის მიზეზებთან ბრძოლის საჭიროებას.
ბუენოს-აირესში გამართული სამიტი საყურადღებოდ არის მიჩნეული ორმხრივი შეხვედრების გამოც.
პრეზიდენტი დონალდ ტრაპი ჩინეთის ლიდერ სი ძინპინს ესაუბრა ორ ქვეყანას შორის „სავაჭრო ომზე“, ხოლო გერმანიის კანცლერ ანგელა მერკელს - ინციდენტზე ქერჩის სრუტესთან. თავის მხრივ, მერკელმა ეს თემა წამოჭრა რუსეთის პრეზიდენტ ვლადიმირ პუტინთან შეხვედრის დროს. ხოლო პუტინმა და იაპონიის პრემიერ-მინისტრმა სინძო აბემ იმსჯელეს ორ ქვეყანას შორის სამშვიდობო ხელშეკრულებაზე. პუტინმა დაადასტურა, რომ კვლავ განიხილავენ 1956 წლის დეკლარაციას, რომელშიც სსრკ გამოხატავდა მზადყოფნას იაპონიისათვის სამხრეთ კურილის ორი კუნძულის გადასაცემად.