„რესპუბლიკური პარტიის“ ერთ-ერთი ლიდერი დავით ბერძენიშვილი გამოეხმაურა, ექს-პრეზიდენტის მიხეილ სააკაშვილის განცხადებას, რომელმაც საზოგადოებას სამოქალაქო დაუმორჩილებლობისკენ მოუწოდა.
დავით ბერძენიშვისლი თქმით, ამ სიტუაციაში, ნომერ პირველი პოლიტიკური ღირებულება აქვს გაერთანებული ოპოზიციის პრეზიდენტობის კანდიდატის გრიგოლ ვაშაძის პოზიციას.
„ჩვენ რესპუბლიკელები აქ ვართ გრიგოლ ვაშაძის შტაბში და ჩვენ მის საარჩევნო კამპანიას შემოვუერთდით ჩვენი მოკრძალებული შესაძლებლობების ფარგლებში პირველი ტურის შემდეგ და ბუნებრივია ჩვენთვის განსაკუთრებით საინტერესოა პრეზიდენობის კანდიდატის გრიგოლ ვაშაძის პოზიცია. ნომერ პირველი პოლიტიკური ღირებულება აქვს გრიგოლ ვაშაძის პოზიციას“.
დავით ბერძენიშვილის თქმით, რესპუბლიკელები არიან გრიგოლ ვაშაძის და გაერთიანებული ოპოზიციის პარტნიორები და მხარს უჭერენ გრიგოლ ვაშაძის პოზიციას. დავით ბერძენიშვილი იმედოვნებს, რომ გრიგოლ ვაშაძის პოზიცია დაემთხვევა მისი წინასაარჩევნო განცხადების შინაარსს, რომ „რევოლუცია იწვევს ზიზღს“.
„როგორც პოლიტიკური გამოცილება მიჩვენებს, გადაწყვეტილებები იქნება იმგვარი რაც არ შეუშლის რესპუბლიკურ პარტიას ხელს მომავალში მათთან თანამშრომლობაში“,- განაცხადა დავით ბერძენიშვილმა.
