საქართველოს მმართველი პარტიის თავმჯდომარე, ბიძინა ივანიშვილი უსაფუძვლოდ მიიჩნევს რეაქციას მისი წინა ინტერვიუს იმ ეპიზოდზე, რომელიც ტელეკომპანია „რუსთავი 2”-ს ეხებოდა და რომელიც, ივანიშვილისვე თქმით, ამ მედიასაშუალების მიმართ მუქარად მიიღეს.
როგორც მან „იმედთან“ 20 ნოემბრის ინტერვიუში თქვა, “რაც უნდათ, ის ილაპარაკონ ჟურნალისტებმა, რაც უნდა, ის ქნას „რუსთავი 2-მა“, მაგრამ საზოგადოებას ვაჩვენებთ, სად არის სიმართლე“. მანვე გამოთქვა იმედი, რომ საქართველოში კონსტრუქციული ოპოზიცია გაჩნდება.
ბიძინა ივანიშვილს იმედი აქვს, რომ „ამ გამარჯვებით“, საქართველო უარს იტყვის „დესტრუქციულ ძალაზე“ - საუბრის კონტექსტიდან გამომდინარე, საქართველოს ყოფილ მმართველ ძალაზე. ხოლო „ამ არჩევნებით“ ივანიშვილმა, როგორც ჩანს, იგულისხმა საპრეზიდენტო არჩევნების მეორე ტურში დამოუკიდებელი კანდიდატის, „ქართული ოცნების“ მიერ მხარდაჭერილი სალომე ზურაბიშვილის, მისი აზრით, მოსალოდნელი გამარჯვება.
არჩევნების მეორე ტური 28 ნოემბერს გაიმართება.
