ქაბულში ავღანელ სასულიერო პირთა შეკრებაზე მოეწყო აფეთქება, რომელმაც, სულ ცოტა, 40 ადამიანის სიცოცხლე შეიწირა. ოფიციალური პირების ცნობით, დაიჭრა ასევე 40-მდე ადამიანი. შინაგან საქმეთა სამინისტროს პრესმდივანმა ნაჯიბ დანიშმა რადიო თავისუფლებასთან საუბრისას თქვა, რომ თვითმკვლელმა თავდამსხმელმა მოაწყო აფეთქება, რომელიც მიმართული იყო წინასწარმეტყველ მუჰამედის დაბადების დღის აღსანიშნავად შეკრებილი სასულიერო პირების წინაამდეგ. თავდასხმაზე პასუხისმგებლობა ჯერ არავის აუღია.
