აშშ-ის პრეზიდენტის მრჩეველი ეროვნული უსაფრთხოების საკითხებში, ჯონ ბოლტონი აცხადებს, რომ თეთრს სახლს ირანის სანავთობო სექტორისთვის სანქციების დაწესებით სურს ირანის ეკონომიკის დასუსტება, მაგრამ არ სურს, რომ მის ისეთ „მეგობრებს და მოკავშირეებს“ მიაყენოს ზარალი, რომლებიც ნავთობზე არიან დამოკიდებული. ბოლტონმა ეს თქვა 31 ოქტომბერს ვაშინგტონში, “ჰემილტონის საზოგადოებაში“. მისი გამოსვლა მინიშნება იყო, რომ ვაშინგტონის მოთხოვნა, არ შეისყიდონ ნავთობი ირანისგან, შესაძლოა შერბილდეს. ირანის სანავთობო სექტორისთვის აშშ-ის სანქციები 5 ნოემბერს უნდა ამოქმედდეს. აშშ-ის მოკავშირე ინდოეთმა, რომელიც დამოკიდებულია ირანის ნავთობზე, განაცხადა, რომ ვერ დააკმაყოფილებს მოთხოვნას ირანის ნავთობზე უარის თქმის შემდეგ. თურქეთმა და სამხრეთ კორეამ შეღავათები ითხოვეს სანქციების ამოქმედების შემდეგ. ირანის ნავთობზე არიან დამოკიდებული ერაყიც და ავღანეთიც.
