„ფრიდომ ჰაუსის“ თანახმად, მსოფლიოში ინტერნეტის თავისუფლება ვარდნას განაგრძობს. ორგანიზაციის თქმით, „ქვეყნების კოჰორტა... მიემართება ციფრული ავტორიტარიზმის მიმართულებით“. დემოკრატიის ტექნოლოგიის გადარჩენას საფრთხე ემუქრება და „კომპანიებმა, მთავრობებმა, სამოქალაქო საზოგადოებამ ერთობლივად უნდა გამონახონ სოციალური მედიის მანიპულაციასა და მონაცემთა უკანონო შეგროვებასთან დაკავშირებული პრობლემების მოგვარების გზები. „ფრიდომ ჰაუსის“ წლიური ანგარიშის, „ქსელში თავისუფლების“ ავტორის, ადრიან შაჰბაზის თქმით, ავტორიტარული რეჟიმები ახდენენ ინფორმაციაზე კონტროლის კონსოლიდაციას „გამოგონილი ამბების“ წინააღმდეგ ბრძოლის საბაბით. ანგარიშის მიხედვით, რომელიც მოიცავს პერიოდს 2017 წლის მაისიდან 2018 წლის მაისამდე, სულ მცირე, 17-მა სახელმწიფომ მოიწონა კანონმდებლობა ან გამოვიდა შესაბამისი ინიციატივით, რაც საინტერნეტო მედიის შეზღუდვას ითვალისწინებდა განხილულ პერიოდში.
