პრემიერ-მინისტრმა მამუკა ბახტაძემ საქართველოს მიულოცა საპრეზიდენტო არჩევნების დასრულება „მშვიდობიან, თავისუფალ და დემოკრატიულ გარემოში.“ ბახტაძემ ქვეყნის მოქალაქეებს მადლობა გადაუხადა აქტივობისა და მაღალი სამოქალაქო კულტურისთვის.
„როგორც ეგზიტპოლის შედეგებმა გვაჩვენა, სალომე ზურაბიშვილი დამაჯერებლად ლიდერობს ამ არჩევნებში. ჩვენ ახლა უნდა დაველოდოთ ცესკო-ს შესაბამის პროცედურებს, დათვლის შედეგებს” - განაცხადა პრემიერ-მინისტრმა. მან მადლობა გადაუხადა არჩევნების ორგანიზატორებს და ადგილობრივ და საერთაშორისო დამკვირვებლებს.