“ამ ეტაპზე ჩვენს ხელთ არსებული ინფორმაციით, ჩვენს მიერ მხარდაჭერილი კანდიდატი ქალბატონი სალომე ზურაბიშვილი იმარჯვებს არჩევნების პირველ ტურში, თუმცა, კენჭისყრის დასრულებამდე დარჩენილია სამი საათი და ბუნებრივია, საბოლოო შედეგი დამოკიდებულია ამომრჩევლის აქტიურობაზე”-განაცხადა „ქართული ოცნება-დემოკრატიული საქართველოს“ პოლიტსაბჭოს წევრმა, თამარ ჩუგოშვილმა. მან ამომრჩევლებს, რომლებიც ჯერ არ გამოცხადებულან საარჩევნო უბნებთან,აქტიურობისკენ მოუწოდა.
თამარ ჩუგოშვილმა აღნიშნა, რომ არჩევნები მიმდინარეობს მშვიდ, წყნარ ვითარებაში, მნიშვნელოვანი დარღვევების გარეშე, თუმცა, „ქართულ ოცნებას“ აქვს ინფორმაცია, რომ ოპონენტები დღის მეორე ნახევარში გარკვეულწილად ვითარების დაძაბვას გეგმავენ.