შსს: რუსთავში დაშავდა ათი ადამიანი, მათ შორის, ხუთი არასრულწლოვანი
დაშავებულების მდგომარეობის გასაგებად რადიო თავისუფლება დაუკავშირდა ჯანმრთელობის და სოციალური დაცვის სამინისტროს და საგანგებო სიტუაციების მართვის სამსახურს, თუმცა ამ დროისთვის არც ერთი სტრუქტურა ამ ინფორმაციას არ გასცემს.
დაშავებულები სასწრაფო სამედიცინო დახმარების ბრიგადამ საავადმყოფოში გადაიყვანა. მომხდარზე გამოძიება საქართველოს სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სახის სამუშაოს წარმოებისას უსაფრთხოების წესის დარღვევას გულისხმობს. ადგილზე მობილიზებულები არიან სამართალდამცველები და მიმდინარეობს საგამოძიებო მოქმედებები.