მოსკოვში დააკავეს ორი მამაკაცი, რომელმაც პარასკევ საღამოს კვერცხები დაუშინა ლუბიანკაზე მდებარე უშიშროების ფედერალური ბიუროს შენობას. იუწყებიან, რომ ერთ-ერთი დაკავებული დაბადებულია 1986 წელს, მეორე - 1981 წელს. უცნობია, თუ რა მოტივით და რომელმა უწყებამ დააკავა ხსენებული პირები. ინცინდენტამდე ერთი დღით ადრე, მოსკოვის მერიამ უფლება არ მისცა "მემორიალის“ აქტივისტებს გაემართათ ყოველწლიური აქცია, „სახელების დაბრუნება“, რაც პოლიტიკური რეპრესიების მსხვერპლთა დღეს ემთხვევა. აქციაზე ყოველწლიურად კითხულობენ სტალინური ტერორის დროს დაღუპულთა სახელებს. მერიამ აკრძალვის მიზეზად დაასახელა სარეკონსტრუქციო სამუაშაოები სოლოვეცკის ქვასთან.