ირანის პრეზიდენტმა ჰასან როჰანიმ განაცხადა, აშშ ცდილობს რეჟიმის შეცვლას ისლამურ რესპუბლიკაში. თეირანის უნივერსიტეტში ახალი სასწავლო წლის დაწყების ცერემონიაზე გამოსვლისას, 14 ოქტომბერს, როჰანიმ ბრალად დასდო აშშ-ის მთავრობას ისეთ ტაქტიკაში, რომელიც მიზნად ისახავს ფსიქოლოგიურ და ეკონომიკურ ომს ირანის რეჟიმის შეცვლის მიზნით. აშშ-ის ხელისუფლებამ გააძლიერა ზეწოლა თეირანზე მას მერე, რაც აშშ-ის პრეზიდენტმა, დონალდ ტრამპმა თავის ქვეყანას დაატოვებინა 2015 წელს მსოფლიოს სახელმწიფოებთან, გაეროს უშიშროების წევრებთან და გერმანიასთან ირანის მიერ მიღწეული ბირთვული შეთანხმება, რომლის პირობით ირანი შეზღუდავდა თავის ბირთვულ პროგრამას და ამის სანაცვლოდ, თეირანს სანქციებს შეუჩერებდნენ. აშშ-მა ირანს ნავთობის სფეროში დაუწესა ახალი სანქციები, რომელთა ძალაში შესვლა 5 ნოემბრისთვისაა დაგეგმილი.
