საპატიმროდან გაუშვეს ალექსეი ნავალნი,რომელმაც 20 დღე დაჰყო ციხეში ანტისამთავრობო დემონსტრაციის ორგანიზებისთვის. ნავალნი 14 ოქტომბერს დილით გაათავისუფლეს მოსკოვის სამხრეთში მდებარე საპატიმროდან. მან მადლობა გადაუხადა მომხრეებს და მოკლედ გაესაუბრა რეპორტირებს. "50 დღე ციხეში ვიყავი. გამოჩნდა მეტი დამადასტურებელი იმისა, რომ ეს რეჟიმი სრულ დაცემას განიცდის", თქვა ნავალნიმ. მან დაასახელა რუსეთის სადაზვერვო სამსახურის მიმართ გამოთქმული ბოლოდროინდელი ბრალდებები და რუსეთის კოსმოსური რაკეტის გაფრენის ჩაშლა. თუ ვინმე ფიქრობს, რომ დაპატიმრებებით დაგვაშინებს, ან გაგვაჩერებს, ეს ასე არ იქნება, თქვა ნავალნიმ, რომელსაც 24 სექტემბერს 20 დღიანი პატიმრობა მიუსაჯეს საპროტესტო აქციის ორგანიზებისთვის. სასამართლომ ის კვლავ საპატიმროში მოათავსა მაშინ გათავისუფლებიდან მეორე დღეს, როცა ერთ თვიანი პატიმრობა მოიხადა წინა ბრალდების გამო. ნავალნი რუსეთის ხელისუფლების მიმართ მკაცრად კრიტიკულად არს განწყობილი, მან ორგანიზება გაუწია არაერთ საპროტესტო გამოსვლას და აქვეყნებს სტატიებს რუსეთის მმართველ ელიტაში კორუფციის გამო.
