პაკისტანელი ქრისტიანი ქალის ოჯახმა იმედი გამოთქვა, რომ მას უზენაესი სასამართლო გაამართლებს და გაათავისუფლებენ. ასია ბიბი პაკისტანში პირველი ადამიანია, რომელსაც მკრეხელობისთვის სასიკვდილო განაჩენი გამოუტანეს. ბიბის ქალიშვილმა, ეშამ აშიყმა განაცხადა, რომ „უბედნიერესი ვიქნები, როცა დედაჩემს გამოუშვებენ, ჩავეხუტები და ვიტირებ, ღმერთს მადლობას ვეტყვი, რომ გაათავისუფლეს“. 2010 წელს ბიბი პირველი ქალი იყო, რომელსაც მკრეხელობისთვის სიკვდილით დასჯა ემუქრებოდა. ამ ამბავს დიდი გამოხმაურება მოჰყვა მსოფლიოში. პაკისტანის უზენაესმა სასამართლომ 8 ოქტომბერს მოისმინა ბიბის საბოლოო გასაჩივრება. ქრისტიან ქალი ბრალდებებს უარყოფს. ამერიკის კანონისა და მართლმსაჯულების ცენტრის ვარაუდით, სასამართლოს გადაწყვეტილება, არ გამოაცხადოს საჯაროდ განაჩენი, შეიძლება ბიბისთვის იმედის მომცემი ნიშანი იყოს. ცენტრის თანახმად, თუ გავითვალისწინებთ პაკისტანის რელიგიურად დაძაბულ ვითარებას მკრეხელობის შემთხვევებთან დაკავშირებით, გასაგებია, რომ სასამართლოს სურს აირიდოს გადაწყვეტილების გამოცხადება, განსაკუთრებით, აზიაში და ბიბის სასარგებლოდ.
