ავღანეთის ოფიციალურ პირთა თანახმად, სულ მცირე, 12 ადამიანი, მათ შორის სამოქალაქო პირები დაუშიშროების სამსახურის თანამშომლები, ემსხვერპლნენ აფეთქებულ ბომბს ავღანეთში, თახარის პროვინციის რუსთაქის რაიონში. ინციდენტი მაშინ მოხდა, როცა საარჩევნო კამპანიის ჩარჩოებში შეხვედრას მართავდა პარლამენტის წევრობის კანდიდატი ქალი. ადგილობრივი პოლიციის წარმომადგენლის, ხალილ ასერის თქმით, დაშავებულთა რიცხვი 32-მდეა.ცნობით, დახოცილთა რიცხვი შეიძლება გაიზადროს, რადგან ბევრი მძიმედაა დაჭრილი. ასერის თანახმად, ასაფეთქებელი ნივთიერებით დატვირთული მოტოციკლი შეხვედრის ადგილის მახლობლად იდგა. აფეთქება მოხდა მანამდე, სანამ საპარლამენტო კანდიდატი, ნაზეფა იუსუფი ბეგი ადგილზე მივიდოდა და 30 ოქტომბრის არჩევნების წინ ამომრჩევლებს შეხვდებოდა. მომხდარისთვის პასუხისმგებლობა არავის უკისრია. თახარის პროვინციაში თალიბანია გააქტიურებული და მან იკისრა პასუხიმგებლობა ადრე მომხდარი თავდასხმებისთვის.
