პრეზიდენტობის კანდიდატი სალომე ზურაბიშვილი მზადაა, არასამთავრობო ორგანიზაციებს შეხვდეს. იგი ამბობს, რომ როგორც პრეზიდენტს, ამ სექტორთან ურთიერთობა მომავალშიც დასჭირდება. სალომე ზურაბიშვილის განცხადებით, არასამთავრობო სექტორმა, განსაკუთრებით კი ქალთა უფლებებზე მომუშავე ორგანიზაციებმა აუცილებლად უნდა მოახდინონ რეაგირება იმ სიძულვილზე, რომელიც ქალი კანდიდატის წინააღმდეგ მიმდინარეობს.
"როცა სიძულვილის ენა არის გამოყენებული ქალის მიმართ, ალბათ, საჭიროა ვინც ქალთა უფლებებს იცავს, ამაზე რეაქცია ჰქონდეს. მე მსგავსი რეაქცია არ მომისმენია. მეორე მხრივ, მე მგონია, რომ, როცა საარჩევნო კამპანია მიმდინარეობს, მოდის ცილისწამება, რომელსაც არ აქვს საფუძველი, მზად ვარ, შევხვდე არასამთავრობო ორგანიზაციებს, რადგან მე არათუ დიდ პატივს ვცემ არასამთავრობო სექტორს საერთოდ, არამედ, როგორც პრეზიდენტს დამჭირდება მათთან ურთიერთობა", - აღნიშნა ზურაბიშვილმა.
არასამთავრობო ორგანიზაციებმა 4 ოქტომბერს სალომე ზურაბიშვილს ერთობლივი განცხადებით მოუწოდეს, თავი შეიკავოს ქსენოფობიური განცხადებებისგან.