მოსკოვში დაგეგმილი ვიზიტისა და რუსეთის პრეზიდენტთან შეხვედრის წინ სომხეთის პრემიერ-მინისტრი ნიკოლ ფაშინიანი აცხადებს, რომ სურს უფრო „მაღალი დონის სტრატეგიული თანამშრომლობის“ მიღწევა რუსეთთან. ფაშინიანმა ეს კომენტარი გააკეთა თავდაცვის სამინისტროს სამხედრო ტელევიზიისათვის მიცემულ ექსკლუზიურ ინტერვიუში, რომელიც ეთერში 8 სექტემბერს გადაიცემა. სომხეთის პრემიერ-მინისტრის პრესმდივნის, არმენ იეგოიანის, თქმით, ფაშინიანმა ხაზი გაუსვა რუსეთთან თანამშრომლობის განსაკუთრებულ მნიშვნელობას სამხრეთ კავკასიის ამ ქვეყნისათვის. „ჩვენი ურთიერთობა უნდა იყოს უფრო მაღალი, უფრო სტრატეგიული, უფრო მეტად ორიენტირებული თანამშრომლობაზე და უფრო ძმური“, - აღნიშნავს ფაშინიანი. სომხეთის პრემიერ-მინისტრი რუსეთის პრეზიდენტს 8 სექტემბერს, მოსკოვში შეხვდება. ეს ორი ქვეყნის ლიდერების მესამე შეხვედრა იქნება მას შემდეგ, რაც მიმდინარე წლის მაისში, ოპოზიციონერი კანონმდებელი, ნიკოლ ფაშინიანი სომხეთის პრემიერ-მინისტრად იქნა არჩეული ქვეყანაში ანტისამთავრობო გამოსვლების ფონზე. ვლადიმირ პუტინი ერთი კვირით ადრე სოჭში შეხვდა აზერბაიჯანის პრეზიდენტ ილჰამ ალიევს. ანალიტიკოსები ვარუდობენ, რომ პუტინ-ფაშინიანის შევედრის დღის წესრიგის უმთავრესი თემა იქნება ვითარება მთიანი ყარაბაღის გარშემო.