პოლონეთის საკურორტო ქალაქ კრინიცა-ზდრუიში უკვე ოცდამერვედ გაიხსნა პოლონეთის დავოსად წოდებული საერთაშორისო ეკონომიკური ფორუმი. ამჯერად ფორუმის თემაა: საერთო ფასეულობების ევროპა თუ საერთო ინტერესების ევროპა?
კრინიცა-ზდრუიში, ცენტრალური და აღმოსავლეთი ევროპის ეკონომიკური, სოციალური და პოლიტიკური პრობლემების განსახილველად შეიკრიბა 4 ათასზე მეტი მონაწილე, რომელთა შორის არიან მინისტრები, ექსპერტები, ბიზნესმენები და სხვადასხვა დარგის სპეციალისტები.
საქართველოს დელეგაციის შემადგენლობაში არიან ბიზნესომბუდსმენი ირაკლი ლექვინაძე, პრეზიდენტის ადმინისტრაციისა და რამდენიმე რეგიონის წარმომადგენლები. ისინი განიხილავენ ევროკავშირთან ღრმა და ყოვლისმომცველი თავისუფალი ვაჭრობის შეთანხმების შედეგებს და არსებულ გამოწვევებს.
კრინიცის ეკონომიკური ფორუმი 7 სექტემბერს დასრულდება.
