თბილისში, ბესიკის ქუჩა N4-ში რუსეთის ოფიციალური სავიზო ცენტრი ამოქმედდა. ეს არის ერთადერთი დაწესებულება, რომელსაც რუსეთის ვიზებისთვის დოკუმენტების წარსადგენად უფლებამოსილება მიანიჭა საქართველოში შვეიცარიისსაელჩოსთან არსებულმა რუსეთის ფედერაციის ინტერესთა სექციამ.
ცენტრის ოფიციალური ვებსაიტის თანახმად, დოკუმენტების ჩასაბარებლად მომსახურების მოსაკრებელი 30 დოლარს შეადგენს, ხოლო საკონსულო მოსაკრებელი (ერთჯერადი ვიზის შემთხვევაში) 60 დოლარია. თანხა იზრდება ვიზების გამოყენების სიხშირის მიხედვით და დაჩქარებული წესით მიღების შემთხვევაში. რუსეთის ოფიციალური სავიზო ცენტრის ინფორმაციით, მოსაკრებლების გადახდა ხდება „სავიზო ცენტრში, ქართულ ლარში, გადახდის დღისათვის რუსეთის ინტერესთა სექციის მიერ დადგენილი კურსის შესაბამისად.“
საქართველოში რუსეთის ვიზებს გასცემს საქართველოში შვეიცარიის საელჩოსთან არსებული რუსეთისფედერაციის ინტერესთა სექცია. რადიო თავისუფლების ინფორმაციით, ვიზების მისაღებად დოკუმენტების ჩაბარება ძირითადად მხოლოდ რუსეთის ოფიციალურ სავიზო ცენტრში მოხდება. რუსეთის ყოფილი საელჩოს შენობაში კი, ი.ჭავჭავაძის გამზირზე, სამომავლოდ მოხდება მხოლოდ "რთული და გადაუდებელი" შემთხვევების მომსახურება და ასევე, დასრულდება იმ პირთა მომსახურების პროცესი, რომლებმაც დოკუმენტები 15 აგვისტომდე ჩააბარეს.
