დიდი ოდენობით ნარკოტიკული საშუალების შეძენა-შენახვა-გადაზიდვის ბრალდებით, სამართალდამცველებმა დაბა ურეკში დააკავეს 1978 წელს დაბადებული, წარსულში ნასამართლევი დ.ს. შს სამინისტროს ინფორმაციით, დაკავებულ პირს თან ჰქონდა 132 აბი „სუბოქსინი“, 21 აბი „ექსტაზი“, 3,2 გრამი ჰეროინის შემცველი ნარკოტიკული საშუალება და მორფინის მარილი.
გამოძიება მიმდინარეობს განსაკუთრებით დიდი ოდენობით ნარკოტიკული საშუალების შეძენა-შენახვა-გადაზიდვის ფაქტზე, საქართველოს სს კოდექსის 260-ე მუხლის მე-6 ნაწილის „ა“ ქვეპუნქტის მიხედვით. დანაშაული ითვალისწინებს თავისუფლების აღკვეთას 8-დან 20 წლამდე ვადით ანდა უვადო პატიმრობას.
