პაკისტანში ათზე მეტი ადამიანი დაიღუპა და დეპუტატობის კანდიდატის ჩათვლით ბევრი დაიჭრა ორი თავდასხმის შედეგად, რომლებიც 25 ივლისის არჩევნებს უკავშირდება. პოლიციის განცხადებით, სამხრეთდასავლეთის ქალაქ ყეთაში თვითმკვლელმა მოიერიშემ თავი აიფეთქა კამპანიის მანქანების კოლონასთან, რასაც 10 ადამიანის სიკვდილი მოჰყვა, დაიჭრა 30-ზე მეტი, დეპუტატობის კანდიდატის, სირაი რაისანის ჩათვლით. პოლიცია იუწყება, რომ რაისანი, რომელიც ბალოჩისტან ავამის პარტიის წევრია, საავადმყოფოშია გადაყვანილი. 13 ივლისს უფრო ადრე სულ მცირე ოთხი ადამიანი დაღუპა და 30-ზე მეტი დაიჭრა აფეთქების შედეგად, რომლის სამიზნეც სხვა კანდიდატი იყო. პოლიცია ამბობს, რომ თავდასხმა იყო საცხოვრისის და შრომის ყოფილი მინისტრის, აკრამ ხან დურანის მანქანების კოლონაზე. დურანი უვნებლად გადაურჩა აფეთქებას.
