რუსეთის ოცნება, ფეხბურთში მსოფლიო ჩემპიონატის მასპინძლობისას ჩემპიონიც გამხდარიყო, დასრულდა ხორვატიის ნაკრებთან მარცხით, მაგრამ ქვეყნის ლიდერები, მოქალაქეები და ოპოციზიის აქტივისტიც კი მადლობას უძღვნიან თავიანთი ქვეყნის ნაკრებს. პრეზიდენტმა ვლადიმირ პუტინმა 8 ივლისს დილით ადრე განაცხადა, რომ ნაკრებით "ამაყობს", მიუხედავად მათი დამარცხებისა ხორვატიის ნაკრებთან, პენალტების სერიით, ანგარიშით 4-2. სააგენტო ინტერფაქსი ავრცელებს კრემლის პრესმდივნის, დმიტრი პესკოვის სიტყვებს - რომ პუტინი, რომელიც მატჩს შორიდან ადევნებდა თვალს, მოთამაშეებს "გმირებად" მიიჩნევს, დამარცხების მიუხედავად. "[პრეზიდენტი] უყურებდა. ის გულშემატკივრობდა ნაკრებს. ჩვენ სამართლიან და დიდებულ თამაშში წავაგეთ. ისინი ჩვენთვის კვლავაც მაგარი ბიჭები არიან, გმირები არიან. მათ ყველაფერი გააკეთეს და ჩვენ მათით ვამაყობთ" - ამბობს პესკოვი. თავად რუსეთის ნაკრები აცხადებს, რომ ჩემპიონატს "ცრემლიანი თვალებით, მაგრამ ამაყად აწეული თავებით" ტოვებს.
