არის თუ არა საქართველოს მედია თავისუფალი განსხვავებული პოლიტიკური შეხედულებების გამოხატვის თვალსაზრისით თუ მედიას მთავრობა აკონტროლებს? ამ შეკითხვაზე შეერთებული შტატების საერთაშორისო რესპუბლიკური ინსტიტუტის (IRI) საზოგადოებრივი კვლევის ანგარიშის თანახმად, გამოკითხულთა 50% ამბობს, რომ მედია ნაწილობრივ თავისუფალია. 19% მიიჩნევს, რომ არცთუ ისე ძალიან, ხოლო 17% ფიქრობს, რომ აბსოლუტურად თავისუფალია.
კითხვაზე, რატომ ფიქრობთ, რომ მედია არ არის თავისუფალი განსხვავებული პოლიტიკური შეხედულებების გამოხატვის მხრივ, 73% პასუხობს, რომ ეს მთავრობის ზეწოლის გამოა, 10% მიიჩნევს, რომ მედია კორუმპირებულია.
კითხვაზე, თუ რომელი საინფორმაციო წყაროდან იღებენ ინფორმაციას საერთაშორისო ვითარების შესახებ, გამოკითხულთა 90% ამბობს, რომ საქართველოს ტელევიზიებიდან, 22% ონლაინ მედიას ასახელებს, ხოლო 11% სოციალურ ქსელებს.
კითხვაზე, რომელ ქართულ არხებს უყურებთ რეგულარულად, 76% ასახელებს ტელეკომპანია „იმედს“, 72% ტელეკომპანია „რუსთავი 2“-ს, 20% საზოგადოებრივ მაუწყებელს.