ჩრდილოეთ ატლანტიკაში აშშ-ისა და ნატოს ძალების გასაძლიერებლად პენტაგონი ქმნის ახალ საზღვაო საორგანიზაციო დანაყოფს, და ამის მიზეზად ასახელებს ამ წყლებში რუსეთის მზარდ ყოფნას. "დიდ ძალებს შორის შეჯიბრთან დაბრუნება და მზარდად გააქტიურებული რუსეთი მოითხოვა ნატომ კონცენტრაცია გადაიტანოს ატლანტიკაში, რათა უზრუნველყოფილი იყოს კონტინენტის კიდევ უფრო გაძლიერება და ჩანდეს შემძლე და მძლავრი შეკავების ეფექტი" - განაცხადა პენტაგონის პრესმდივანმა, ჯონი მაიკლმა 4 მაისს. ახალი საორგანიზაციო დანაყოფი უმნიშვნელოვანესი ფაქტორი იქნება ტრანსატლანტიკური უსაფრთხოებისთვისო, დასძენს ის. გეგმის ძირითადი პუნქტები დამტკიცდა თებერვალში, ნატოს თავდაცვის მინისტრების შეხვედრაზე - რაც წარმოადგენდა ნაწილს უფრო ფართო მცდელობისა გაძლიერდეს უსაფრთხოება საზღვაო და საკომუნიკაციო ხაზებზე ევროპასა და ჩრდილოეთ ამერიკას შორის. პენტაგონის გადაწყვეტილება ირეკლავს ევროპასა და ნატოში არსებულ შეშფოთებას რუსეთის მზარდ სამხედრო ყოფნაზე და პატრულირებაზე ატლანტიკის რეგიონში. რუსეთმა მოუმატა პატრულირებას ბალტიის ზღვაში, ჩრდილოეთ ატლანტიკასა და არქტიკაში - აცხადებენ ნატოს წარმომადგენლები, თუმცა რუსეთის ფლოტი ახლა ზომით უფრო მცირეა, ვიდრე ცივი ომის პერიოდში იყო.
