ბრიტანეთმა და საფრანგეთმა დაგმეს და "ფანდი" და "მასკარადი" უწოდეს რუსეთისა და სირიის ნაბიჯს წარმოეჩინათ სირიელი მოწმეები, იმ მიზნით, რომ გამყარებულიყო ვერსია, თითქოს მიმდინარე თვეში ქალაქ დოუმაში ქიმიური იარაღით არ განხორციელებულა შეტევა. რუსეთის და სირიის წარმომადგენლებმა 26 აპრილს დოუმადან რამდენიმე უვნებლად მყოფი პირი წარმოადგინეს ჰააგაში, ქიმიური იარაღის აკრძალვის ორგანიზაციის (OPCW) შტაბ-ბინაში. მოგვიანებით რუსეთის წარმომადგენლებმა პრესკონფერენცია გამართეს, რათა წარმოედგინათ "მტკიცებულება",. რომ ქიმიური იარაღის შესახებ ვარაუდები "მთლიანად არარსებული და ცარიელია" - იუწყება ალექსანდრ შულგინი, რუსეთის წარმომადგენელი OPCW-ში. 14 აპრილს აშშ-მა, ბრიტანეთმა და საფრანგეთმა 100-ზე მეტი რაკეტა ჩამოაგდეს სირიის ობიექტებზე, რაც წარმოადგენდა პასუხს თავდასხმაზე, რომელიც, დასავლელი ოფიციალური პირების თქმით, 7 აპრილს, სავარაუდოდ ქიმიური იარაღით მოხდა ქალაქ დოუმაში და ათობით სამოქალაქო პირი შეიწირა. დამასკი და მოსკოვი უარყოფენ დოუმაში ქიმიური იარაღით თავდასხმის განხორციელებას.