საქართველოს ძიუდოისტთა ნაკრების წევრმა ამირან პაპინაშვილმა თელ ავივში მიმდინარე ევროპის 2018 წლის ჩემპიონატზე დილის პროგრამა წაუგებლად დაასრულა და ნახევარფინალში გავიდა. 60 კილოგრამ წონით კატეგორიაში მოჭიდავე 29 წლის ქართველმა ევროპირველობა ბულგარელ ვალენტინ ალიპიევთან შეხვედრით გახსნა და 27 წამში მოიგო. მეორე წრეში კი უნგრელ ჩაბა სზაბოს აჯობა. ნახევარფინალში ამირან პაპინაშვილის მეტოქე რუსეთის ნაკრების წევრი ისლამ იაშუევი იქნება. მეორე ნახევარფინალში იჭიდავებენ: ბულგარელი იანისლავ გერჩევი და უკრაინელი არტემ
ლესიუკი. ფინალური ბლოკის შეხვედრები თბილისის დროით 18:00 საათზე დაიწყება.