რუსეთის სახელმწიფო მედიარეგულაციის სამსახურმა სასამართლოს მიმართა შეტყობინებების აპის, „ტელეგრამის“, დასაბლოკად მას შემდეგ, რაც ამ კომპანიამ უარი განუცხადა უშიშროების ფედერალურ სამსახურს თავისი მომხმარებლების პირადი მიმოწერის გადაცემაზე. „როსკომნადზორის“ მიერ გავრცელებული განცხადების თანახმად, მათ 6 აპრილს მიმართეს მოსკოვის რაგანკის სასამართლოს, რათა შეიზღუდოს „ტელეგრამის“ ფუნქციონირება რუსეთის ტერიტორიაზე.