ԱԱԾ սահմանապահ զորքերը սահմանի ստանձման վերաբերյալ որոշակի աշխատանքներ են իրականացնում, այսինքն ելնելով օպերատիվ իրավիճակից բացի տվյալ գյուղի բնակիչներից, ժամանակավորապես այլ մարդկանց մուտքը գյուղ արգելված է: Այս մասին լրագրողներին հայտնել է ոստիկանության Տավուշի բաժնի պետը` նշելով, որ դա է պատճառը, որ ոստիկանությունը ստուգումներ է իրականացնում:
Ոստիկանության Տավուշի բաժնի պետը ասաց, որ չի կարող ասել, թե որքան ժամանակ դեռ ճանապարհը փակ կմնա:
Նշենք, որ մի խումբ պատգամավորների հաջողվեց դաշտամիջյան ճանապարհով հասնել Կիրանց: Կիրանցի մոտ այս պահին բազմաթիվ քաղաքացիբներ կան, որոնց արգելում են մտնել Կիրանց:
Նշենք, որ ավելի վաղ ԱԱԾ-ն հայտարարել էր, որ Կիրանցում հաշվառում չունեցող քաղաքացիների մուտքը բնակավայր ժամանակավորապես սահմանափակվել է:
