«Ավթո Կոպալա» մականունով հայտնի վրացի «օրենքով գող» Ավթանդիլ Կոբեշավիձեն, ում ծրագրում էին Ուկրաինայից արտաքսել Վրաստան, ինքնաթիռում կերել է իր անձնագիրը: Այս մասին գրում է pia.ge կայքը:
Կոբեշավիձեն պետք է թռչեր Կիևից Բաթումի: Ինքնաթիռ նստելուց հետո նա կերել է իր անձնագիրը, ինչի պատճառով նրան չեն կարողացել արտաքսել:
Հուլիսի 8-ին ուկրաինական դատարանը կալանքից ազատել է Կոբեշավիձեին: Նրա պատժամիջոցը փոխարինվել է տնային կալանքով, իսկ ավելի ուշ նրան Վրաստան արտաքսելու որոշում է կայացվել: