Հնդկաստանում մեկ օրում կորոնավիրուսով է վարակվել 386 452 մարդ, որը համավարակի սկզբից ի վեր ամենաբարձր ցուցանիշն է, երկրի առողջապահության նախարարությանը հղումով գրում է «ՌԻԱ Նովոստի»-ն։
Հնդկաստանն աշխարհում կորոնավիրուսի հայտնաբերված դեպքերի թվով երկրորդն է: Առողջապահության նախարարության վերջին տվյալների համաձայն՝ երկրում գրանցվել է COVID-19-ով վարակման ավելի քան 18,7 միլիոն դեպք: Շուրջ 15,3 միլիոն մարդ ապաքինվել է, իսկ 208 հազար մարդ մահացել է կորոնավիրուսից կամ հիվանդության հետևանքով առաջացած կողմնակի բարդություններից։
Միևնույն ժամանակ, երկրի առողջապահության նախարարությունը նշել է, որ Հնդկաստանում ավելի քան 152 միլիոն մարդ պատվաստվել է կորոնավիրուսի դեմ․ միայն վերջին օրվա ընթացքում պատվաստվել է 2,2 միլիոն մարդ։