Փետրվարի 22-ին ոստիկանության կենտրոնական բաժնում հարուցվել է քրեական գործ, որի հետևանքով Երևանի մի շարք կրթօջախների աշխատակցիների հրավիրել են հարցաքննության՝ առանց սահմանված ընթացակարգը պահպանելու, առանց ծանուցագրի:
Թե որն է պատճառը, ինչ հիմքեր կան՝ քաղաքապետարանը նախընտրեց մեկնաբանություն չտալ՝ պատճառաբանելով, որ իրենք հստակ տեղեկություններ չունեն, ենթադրություններ անել չեն կարող:
Դավիթաշեն վարչական շրջանի նախկին ղեկավար Ռուսլան Բաղդասարյանը, որը ֆեյսբուքի իր էջում առաջինն էր բարձրաձայնել խնդրի մասին, Tert.am-ի հետ զրույցում կարծիք հայտնեց, որ մանկավարժների՝ չակերտավոր քաշքշելը նախընտրական բացատրական աշխատանքներ են՝ ուղղորդված իշխանությունների կողմից:
Արձագանքելով Ռուսլան Բաղդասարյանի ահազանգին՝ մի խումբ փաստաբաններ կրթօջախների աշխատակցիներին առաջարկել են իրենց անվճար աջակցությունը, որպեսզի կարողանան պաշտպանել իրենց ոտնահարված իրավունքները:
Քննչական կոմիտեից Tert.am-ին տեղեկացրեցին, որ Երևանի 5 դպրոցների 48 աշխատակիցների են հրավիրել ոստիկանություն. կատարվում է նախաքննություն:
Մանրամասները՝ տեսանյութում։
