ՊՍԺ-ի հարձակվող Նեյմարը, որը վնասվածք է ստացել Ֆրանսիայի Գավաթի 1/32 եզրափակչի՝ «Կանի» հետ խաղում, խոսել է իր վնասվածքների մասին.
«Տխրությունս շատ մեծ է, ցավն՝ ուժգին, իսկ արցունքները չեն դադարում հոսել: Ես նորից ժամանակավորապես զրկվել եմ այն բանից, ինչն ամենից շատ եմ սիրում կյանքում՝ ֆուտբոլից: Երբեմն ես ինձ լավ չեմ զգում իմ խաղաոճի պատճառով, քանի որ շատ եմ հարվածներ ստանում ոտքերիս: Չգիտեմ՝ խնդիրն ի՞մ մեջ է, թե՞ նրանում, ինչ ես անում եմ դաշտում: Սա իսկապես վշտացնում է ինձ:
Ես շատ եմ տխրում, երբ ֆուտբոլիստներից, մարզիչներից,մեկնաբաններից կամ Աստված գիտի ումից լսում եմ. «նրան իսկապես պետք է խփեին», «սիմուլյանտ», «լացկան», «երեխա», «երես առած» և այլն: Եթե անկեղծ, ինձ դա վշտացնում է, և ես չգիտեմ՝ դեռ որքան կարող եմ համակերպվել այս ամենի հետ: Ես պարզապես ցանկանում եմ հաճույք ստանալ ֆուտբոլից: Եվ ուրիշ ոչինչ»,- գրել է Նեյմարը:
Ավելի վաղ հայտնի էր դարձել, որ Նեյմարը բաց կթողնի Չեմպիոնների լիգայի 1/8 եզրափակչի՝ «Բարսելոնայի» հետ առաջին խաղը վնասվածքի պատճառով:
View this post on Instagram
