Մեծ Բրիտանիայի հայոց թեմի առաջնորդ Տ. Հովակիմ եպիսկոպոս Մանուկյանն իր ֆեյսբուքյան էջում անդրադարձել է Հայ եկեղեցու պատմություն առարկան այլ առարկաների ծրագրում ներառելու ԿԳՄՍՆ նախաձեռնությանը։
Նա մասնավորապես գրել է․
«Եթե 10 պատվիրաններն այսօր գրվեին, 11 -րդն էլ կլիներ, հատկապես Հայաստանում երկար անունով նախարարության ղեկավարի հարցազրույցից հետո. դա այսպես կարելի է ձեւակերպել. մի շահարկիր, (do not manipulate),
Հարգարժան պրն. հանրությանը կես ճշմարտությունն (half truth) եք ներկայացնում, հակառակ տեսակետը պնդողներին մեղադրում եք սուտ խոսելու մեջ… դուք դատում եք պարոն. ձեզ նախարար են նշանակել, ոչ թե ուսուցչապետ կամ ազգի դաստիարակ:
Ժողովուրդն ասում է Հայ Եկեղեցու պատմությունը դուրս մի բերեք որպես առանձին առարկա, սա ասում է դուրս չենք բերում, այլ միացնում ենք Հայ ժողովրդի պատմությանը:
Ինձ կներեք բայց գեբելսը կզարմանար այս քարոզչահնարքները տեսնելով»:
