Ձեռնոց են տվել, շորերներս լրիվ կեղտոտեցինք այդ ձեռնոցով, հիմա հասկանանք, թե ինչի է այդ խստացումը։ Ազգային ժողովում այս մասին ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ ԱԺ նախագահ Արարատ Միրզոյանից հետաքրքրվելով, թե ինչով են պայմանավորված ԱԺ մուտք գործելու խստացումները։
«Դուք ոչ մի միջոց չունեք, մեզ պարտադրում են, որ մենք հագնենք։ Անհասկանալի վիճակ է։ Կամ բոլորս ենք հագնում, կամ գալիս ենք կամ չենք գալիս, կամ ով հիվանդ է չի գալիս»,-ասաց Էդմոն Մարուքյանը։
Պատգամավորի հարցին ի պատասխան ԱԺ նախագահը նկատեց աշխարհում կա կորոնավիրուսով պայմանավորված համաճարակ և ասում են, որ ձեռնոցներն ու դիմակները հավանականության որոշակի տոկոսով կարող են կանխել վարակի տարածումը. «Ոչ մեկի ոչինչ չի պարտադրվում։ Դահլիճի մուտքի մոտ պատգամավորներին առաջարկվում է վերցնել դիմակ և ձեռնոց, որոնք կարող եք կրել, կարող եք չկրել։ Այո՛, կա կասկած և գուցե հիմնավոր կասկած, որ ԱԺ աշխատակիցներից մեկը կոնտակտավոր անձ է։ Քանի դեռ հանգամանքներն ամբողջությամբ չեն պարզվել, բոլորս ավելի խստացված կերպով ենք ձեռնարկում կանխարգելիչ միջոցառումները»,-ասաց Արարատ Միրզոյանը։
Վերջինս նշեց, որ դեռ վաղուց ասել է՝ բոլոր այն պատգամավորները, որոնք մտահոգություններ կունենան իրենց առողջության համար և կնախընտրեն նիստերին չմասնակցել, այդ պատգամավորների բացակայությունները հարգելի կհամարվեն։
The post Կա հիմնավոր կասկած, որ ԱԺ աշխատակիցներից մեկը կոնտակտավոր անձ է. Արարատ Միրզոյան appeared first on ԳԱԼԱ.