Ростовн кIоштахь беркемаца хиллачунна тIехула Нохчийчуьра вахархо велла
65 шо долу Тупаев оцу меттигехь кхелхина, цуьнца цхьана хиллачунна хIуммаъ ца хилла. Вертолетан пилотан терго ца хилла ша динчун, кхин дIа вахна иза, яздо Baza гIирсо.
"Блокнотан" хаамашца, Оьрсийчоьнан ВС-н ду беркема.
Хьалхо хаамбора ГIебарта-Балкхаройчохь ФСБ-н хилла белхахо Ахмедов Тимур юкъахь а волуш, некъан хьовзам хиларх. Нальчикерчу кхело бехкевира иза, къаьркъа а мелла, некъахочунна машен тIетохарна. Иза велира, ткъа Ахмедовна набахтехь даккха ворхI шо хан туьйхира, иштта ваьккхира иза запасан капитанан чинах а.
2021-чу шеран марсхьокху-баттахь КПРФ-н цIарах Оьрсийчоьнан парламентехь депутат волчу Бифов Анатолийн вешин кIантана дуьхьал гIуллакх даьккхира. Талламан версица, цо питана а дина нисбеллера кхо стаг вуьйш некъан бохам.