Къилбаседа Кавказехь тIаьххьарчу дийнахь а, буса динчу зерашца, бархI пациент велла коронавирусан уьнах, цомгашчарна тIекхетта кхин а 368 стаг. Эпидеми дIаса ца яржийта вовшахтоьхначу Оперативан штабо хаамбарца, Ставрополан кIоштахь велла кхо стаг, Дагестанехь шиъ, Краснодаран махкахь а, Адыгейхь а, ГIалгIайчохь а цхьацца кхелхина.
Верриг а Къилбаседа Кавказехь велла пандеми яьржичхьана COVID-19 вирусах 930 дархо.
Къаьсттина дукха бу ун даьлларш Ставрополан кIоштахь - 96 стаг:
Ставрополан махкхаь + 96 (7 195 ву эпидеми яьржичхьана)
Краснодаран кIоштахь + 83 (7 423)
Дагестанехь + 41 (8 90I)
ГIалмакхойчохь + 34 (2 405)
Адыгейхь + 25 (2 436)
Кхарачой-Чергазийчохь + 24 (4 283)
ГIалгIайчохь+ 22 (3 481)
ГIебарта-Балкхаройчохь + 16 (5 839)
Къилбаседа ХIирийчохь + 15 (4 399)
Нохчийчохь + 12 (1 949)
Къилбаседа Кавказехь юьхьанца дуьйна цомгаш вара 48 195 вахархо. Ткъа ерриг а Оьрсийчохь Товбеца-беттан 22-чу денна Оперативан штабо гойтучу статистикаца а догIуш, коронавирусах цомгуш хиллачу адамийн барам кхаьчна 789 190 -нне.
Федералан штабан информаци дукха хьолехь йогIуш ца хуьлу регионашкарчу терахьашца. Хьаькамаша иза дузу Москвахь а, меттигашкахь а цомгушнаш зер кеп-кепара дIахьош хиларца.
