Новости за 13.03.2021

ТIаьххьарчу дийнахь-буса Къилбаседа Кавказехь 25 дархо велла коронавирусан уьнах, вирус къаьстина кхин а 454 стагаца. Лазарца къийсам латточу оперативан штабо дIахьедарехь, Краснодаран кIоштахь кхелхина 13 пациент, Ставрополан кIоштахь велла - ялх, Дагестанехь - кхоъ, ГIебарта-Балкхаройчохь а, ГIалмакхойчохь а, ГIалгIайчохь а цхьацца велла уьнах. Верриг а Къилбаседа Кавказехь ун даьржичхьана велла COVID-19 вирусах 8 165 дархо. Къаьсттина дукха бу ун даьлла нах тIаьххьарчу 24 сахьтехь динчу лараршца, Краснодаран кIоштахь - 127 стаг. Читать дальше...

Токиохь дIахьондолчу Олимпикан Ловзаршкахь  къоман гимнан метта гоьялла оьрсийн "Катюша" эшарх пайдаэцийтар дехначу Оьрсийчоьнна дуьхьало йина Лозаннерчу спортан арбитражан кхело (CAS).  "CAS-н комиссина хетарехь, "муьлхха а Оьрсийчоьнца йоьзна гимн" бохург хьакхалуш ду хIора а Оьрсийчоь хьахочу, я цуьнца йоьзначу эшарца, хуьлийла иза "Катюша" а",- аьлла ду кхелан хаамехь, яздо Associated Press гIирсо.   РБК агенталло билгалдаккхарца, Оьрсийчоьнан Олимпиадан комитете жоп дехна цара. Допинган... Читать дальше...

Стохка доллу дуьненахь шайн белхан декхарш кхочушдечу заманчохь вийна 65 журналист аьлла, билгалдаьккхина шаьш арахецначу рапортехь Дуьненаюкъарчу журналистийн федерацино. ВуьрхIиттозза сов ду и терахь цул хьалха хиллачу шерашца дуьстича, гергга ду 90-чу шерашкахь динчу зерашна. Юьйцурш ю 16 кеп-кепарчу пачхьалкхашкахь хилла инциденташ. Тайп-тайпанчу ресурсийн белхахой бойъура леррина динчу тIелетаршкахь а, бомбанаш лоьлхуьуйтуш а, герзаш детташ а. 1990-чу шарера таханалерачу дийне кхаччалц вовшахтоьхначу статистикаца, 2680 журналист вийна. Читать дальше...

Устрада-ГIаларчу полисхоша дIахьочу "Терго" операцехь лаьцна наркотикаш лелош ву аьлла, шеконаш кхоллаелла ГIалгIайчуьра 62 шо долу вахархо. "Чечня Сегодня" агенталло бина и хаам. Тешаш цхьана а болуш, бинчу талламехь цуьнгара яьккхина 18 кила героин а, 100 долларшкахь бIе купюра харц ахча а. Махкарчу чоьхьарчу гIуллакхийн министраллан векалша тIечIагIдарца, лаьцначо даредина, наркотикаш юхкуш, яржош вац ша, шена пайдаоьцуш лелош яра, ткъа ахча билггал харц ду аьлла. ГIалгIайчуьрчу вахархочунна дуьхьал бехкзуламан гIуллакх айдина... Читать дальше...