Шемахь исламхоша динчу тIелатаршкахь 50 гергга салтий вийна
Алеппон малхбалехь кху беттан 20-чохь 21 салтий вийна аьлла, билгалдоккху Шеман адамийн бакъонаш Iалашъярна тIехь мониторинг латточу Центро.
Стохка гурахь Алеппон гергахь тIемаш совцош барт бинера, делахь а кест-кеста барт бохабой, жигара доху цигахь тIемаш.
Хомсан провинцехь кху беттан 18-чохь исламхоша пачхьалкхан эскарна кIело йича вийра 27 тIемало, шайлахь 4 эпсар а волуш.
Кху шеран Зазадоккху-баттахь Шеман малхбалехь эшийра дайишхой, церан карара яьккхира Дейр-эз-Зор провинцин кIошташ.
Делахь а радикалан исламхой саццаза дуьхьало латтош бу пачхьалкхан армина а, царех шайн лаамехь дIакхеттачу дакъошна а.